Text Happy Independence Day India

Indian Independence Day - Quotes/ Poem/ Shayari


Desh ki samridhi, sukh, shaanti ke liye
Bhatkan bhavna ki bhanti ke liye
Paridrish dekh ke tayaari kar le
aanewale kisi nayi kraanti ke liye
Paida har saans mein lagan kar le
sheetal kaleje ki agan kar le
Maa ke liye jeevan hawan kar le
Jannat se badhke watan kar le
Jai Hind, Jai Hind, Vande Mataram
Kabhi kabhi aese bhi bhajan kar le
Hanste hanste faansi chadkar, apni jaan ganwa di
Aur humein badle mein de di, ye paawan aazadi
Mangal ka zinda yahan swabhimaan hai, zarra zarra inka laabh vidyamaan hai
Shekhar, subhash, ashfak ki kasam
Har desh bhakt mein bhara gumaan hai
Inke hi balidaan ka hai parinaam
Khushiyan hi khushiyan hai Hindustaan mein


BY: Kavita Tiwari


All rights @ 2017